美味餃子店 (已結業)

因為距離公司稍遠，襯住今日時間鬆動，lunch time 即刻衝過嚟，竟然唔洗等位，順利入坐，食物就等左15分鐘至上枱。我胃口細，當然唔揀麵食，主攻餃子！餃子size稍大，餃子皮、肉、菜的比例非常好。韮菜肉餃(煎餃)：外皮不會厚，煎得香脆，內裡juicy，韮菜香味濃郁，而且入口不會有油膩感。雲耳椰菜肉餃(湯餃)：雲耳份量不少，口感爽脆，而湯底係真材實料的野葛菜生魚豬骨湯，不含味精，每次都會飲到一滴不留，不需要再額外order飲品。辣菜甫：對食辣的朋友而言，簡直係「靈魂」，又香又辣，配煎餃或湯餃，都係咁好食！