韓家韓國料理 (已結業)

由顧客變朋友都係一種緣份，大家意念相同更係同路人，今日無話不談嘅朋友請我哋一家食飯，選擇位於觀塘嘅韓式餐廳。大概下午一點半仍然要排隊，等咗大概二十分鐘有位安排入座。就喺門口位置見到好多同路人嘅心聲，另外仲有BB櫈，雖然舖仔細細，但仍準備充足，好細心。坐低後睇過吓食物，午餐選擇唔多，我哋每人點咗一份午餐，兩份小食。食物方面雖然味道無咩驚喜，但價錢公道，感覺良好，就係呢種平淡有家的味道值得支持。大家食吓嘢傾吓計，直至職員通知四點三係落場時間，不知不覺已經兩個鐘，埋單後，大家一路行一路傾去到車站，直到揮手再見。餐前小食，每個午餐跟一份，有薯仔，青瓜同芽菜，薯仔好味。韓式烤肉飯(雞)，雞肉稍有少少鞋同乾，菜嘅醬幾好味，原本以為係剩白飯會好乾，原來底亦有少少汁，無油膩感，整體感覺健康。韓式烤肉粉絲(牛)，朋友話幾好味，配菜多，唔太鹹，佢都成碟清晒。滑蛋鹽燒三層肉飯，蛋雖然熟，但真係做得幾滑，三層肉食落唔會滿口油又唔鞋，飯底有醬汁，唔錯。追加小食：+$18韓式炸雞(柚子蜜)，柚子蜜令到雞塊無咁脆亦無咁熱氣，酸酸甜甜幾好味。+$12韓式雜菜煎餅，薄咗啲又乾咗啲，個辣醬幾特別。+$3凍清淨園紅醋。+$