泰靚

營業中

休息中

位處鵝頸街市口的泰靚，由泰籍人士打理，前鋪主要販賣打手魚蛋同串燒，堂食則供應泰式湯河及小食，當中雙併湯粉只需廿五蚊，剛好正值糧尾，想平平地食一餐，就試試泰姐的手細吧。我要了「海南雞併豬頸肉泰粉」，泰粉其實即是常吃到的金邊粉，搭上泰靚清湯底，配料分別有芽菜、蔥花、豬紅、蘿蔔、芹菜粒、炸蒜等，味道帶點清甜，一點也不馬虎，可惜海南雞只得三小件，而且骨多過肉，實在吃不出肉質有多嫩，而泰式燒豬頸肉味帶點辣，肉質則不太肥，水準可以，也明顯比海南雞好吃！女友要了「打手魚蛋併時菜泰粉」，配上冬蔭公湯底需另加三蚊，同樣是配料十足。小辣的冬蔭公味道酸而不辣，並不搶喉，怕辣又想吃的不妨一試。招牌的打手魚蛋雖只得兩粒，但足足有成個乒乓波咁大，入口彈牙，「打手」名堂果然有番咁上下；至於作伴的時菜亦夠新鮮，始終小店鄰近街市，這方面應該不會失手吧！餐飲要了另加四蚊的青檸冰，味道很酸很甜，嗒落感覺殊不好受，大可不理。這晚埋單只係五十多元，不貴，水準也不差，可以話係「糧尾福音」！