影片
更多
2010-03-23
64 瀏覽
環境衛生：1) 非常光猛，坐落好舒服。2) 一入到去感覺好乾淨，好整齊。3) 餐具如碟好別緻，而且冇一隻係bung既。4) 打邊爐最緊要係冷氣夠，衣到完全冇問題。服務：1) 所有人都好有好友善，好好笑容，好好耐性去講解我地既問題。因為我也係第一次幫親，所以都問埋關於美味廚既雀局，唱歌既娛樂配備。2) 好有文化地serve女性先。喺食中餐既地方真係好少見到。味道： 涼拌青瓜：好清涼，辣辣地，幾開胃，推介一。 皮蛋：糖心架，嘩，好正呀！推介二。 肥牛：因為都已經成個月，所以唔記得係本地定美國。睇個樣都知好靚。切得夠薄，肥得好均勻，推介三。 龍蝦：個人喜好，因為夠新鮮，所以選擇食sashimi ，好甜，正！老人家怕生，所以白灼，不過都只不過係好快灼一灼，唔係灼過籠D肉會嚡。 黑豚：肉身好嫩，咬落好過牛肉，肉味帶甜，而且切得夠薄，所以好快熟，一變白就食得。推介四。 Kimchi 餃，松露和牛餃：睇到個名咁特別，就試下衣兩款fusion餃。松露和牛餃熟左就食唔出個松露味。Kimchi餃個味就冇走到，不過我都係鍾意食返韓式淨kimchi。 和牛：切到好薄，入口即溶，重有個秘汁配埋，正！價錢都好上等
1) 非常光猛，坐落好舒服。
2) 一入到去感覺好乾淨，好整齊。
3) 餐具如碟好別緻，而且冇一隻係bung既。
4) 打邊爐最緊要係冷氣夠，衣到完全冇問題。
服務：
1) 所有人都好有好友善，好好笑容，好好耐性去講解我地既問題。因為我也係第一次幫親，所以都問埋關於美味廚既雀局，唱歌既娛樂配備。
2) 好有文化地serve女性先。喺食中餐既地方真係好少見到。
味道：
涼拌青瓜：好清涼，辣辣地，幾開胃，推介一。
皮蛋：糖心架，嘩，好正呀！推介二。
肥牛：因為都已經成個月，所以唔記得係本地定美國。睇個樣都知好靚。切得夠薄，肥得好均勻，推介三。
龍蝦：個人喜好，因為夠新鮮，所以選擇食sashimi ，好甜，正！老人家怕生，所以白灼，不過都只不過係好快灼一灼，唔係灼過籠D肉會嚡。
黑豚：肉身好嫩，咬落好過牛肉，肉味帶甜，而且切得夠薄，所以好快熟，一變白就食得。推介四。
Kimchi 餃，松露和牛餃：睇到個名咁特別，就試下衣兩款fusion餃。松露和牛餃熟左就食唔出個松露味。Kimchi餃個味就冇走到，不過我都係鍾意食返韓式淨kimchi。
和牛：切到好薄，入口即溶，重有個秘汁配埋，正！價錢都好上等，所以我地都係一人食一塊。推介五。
秘製甜品：我爸爸同契媽都讚不絕口既crème brulée。我自己冇食，不過佢地都話係全港至掂，一定要自己試先知點解咁好食wor。 推介六。
張貼
