賞茶 (已結業)

係荃灣廣場食完晚飯，見時間尚早就黎賞茶買嘢飲，都幾多人黎買，所以都要排陣隊，不過落完柯打都唔算等好耐，同埋店員妹妹都幾有禮貌，笑容可掬，值得一讚！不過頭先晚飯真係食太飽，最後決定放棄珍珠奶茶，驚飲唔哂，轉買芋圓仙草凍返屋企做宵夜甜品芋圓仙草凍夏日炎炎，本身擔心碗野拎到返屋企會唔夠凍就無咁好食，點知都仲涼浸浸，正好可以幫手降溫～而且都幾足料，超多珍珠同仙草，勁正！啲珍珠有咬口，夠QQ，好味～芋圓大大粒，煙韌彈牙，唔會軟淋淋，有返啲咬口！平時出面啲糖水鋪啲芋圓有啲個口感真係好差架嘛～而且我又好怕有時出面啲鋪頭食親芋圓都一定比成碗糖水黎，甜到膩架嘛～ 但呢個又唔會太甜，真係岩岩好，食到有甜味但又唔會食到你個口好漏，值得推介！