沐白小農 (已結業)

朋友排減價豆花，我就去左試$30大甲芋頭鮮奶(熱)，想叫半糖，店員話杯飲品本身係唔會額外加糖。攞上手即刻試下傳聞中嘅芋頭泥先...果然有濃郁芋頭味，咬落仲有沙沙嘅口感。第一兩啖飲落，略帶微甜，因為煮芋泥時點都要加少少糖嚟吊下味嘅，後來與明治奶充份混合後又覺啱啱好喎總結:芋頭控一定要嚟試下，小妹好耐未飲過咁足料嘅芋頭鮮奶香港真係好難揾到，呢杯大甲芋頭鮮奶，真係有台灣味道，用最簡單方法，就可以品嚐到芋頭嘅原始味道。