深宵食堂 (已結業)

今日舊同學聚舊，講到聚會地點，我地都淋到去深宵食堂，因為嗰度多嘢食，環境優雅，好適合幾個人一齊坐系度食下嘢傾下計，休閑放松嘅好地點。今日嘗試呢個香草黑豚肉飯，黑豚肉表面應該系烤過，豚肉肉質好鮮嫩，又烤得好香脆，因為烤過，可以鎖住豚肉嘅水分，再同D飯一齊焗，飯又吸收豚肉嘅味道同香草味，令人想食多幾啖。芝士年糕每次都會點，好濃郁嘅芝士，大大嘅滿足感，芝士年糕就好似綠豆餅咁嘅做法，皮好酥脆，好大舊芝士餡，但又唔會厚膩感，每人兩件好快搞掂。睇到個蝦就覺得好吸引，今日點嘅系8寸蒜蓉大虎蝦，蝦好大只，肉結實到入口彈牙，蒜蓉調得好好味，又無搶左蝦嘅海鮮味，結合得好好。無以為凈系得主菜做得好，呢個小食類都整得好出色，七味魷魚圈，我食唔出系邊七個味，覺得好特別，特別得好想食，一碟都唔夠我地幾個人分，再沾上沙拉醬，口感更加豐富。軟殼蟹沙律作為餐前小食都好開胃，有幾種水果加蟹肉，好清新，圣婦果酸酸甜甜，蟹肉原來加沙律醬咁好味，一啖水果一啖蟹肉，好享受。