鳳雛燉雞

營業中

休息中

男朋友超鍾意食呢間，今日就再嚟食$278 芝士雞淨係一碟嘅份量都好夠兩個人食，而且配埋邪惡嘅芝士冇得頂。雞份量超級多，仲要係冇骨添，啱晒我呢啲超懶嘅人。雞就煮得好滑溜，而且個汁好入味，配料仲有冬粉，洋蔥，薯仔。個薯仔都炆得好入味，軟糯適中。芝士好澎湃，勁邪惡，每一啖都一定要加埋啲芝士。而且仲有通粉，佢似係細條啲嘅紅薯粉，扁身嘅，煮到好煙靭，又係朔晒啲汁，超正。下次可以多啲人， share嚟食，仲可以嗌多啲嘢添前菜有芽菜，青瓜，泡菜。每一樣都醃製，好好食，配搭住芝士食，可以解膩。店員真係係韓國人嚟㗎！