影片
更多
2018-03-05
362 瀏覽
今日車呀媽去花墟度買花啦，咁架車就好方便咁泊左係太子道西果度，呀媽就自己去買花啦，咁我就坐左係架車度等啦，咁就坐下坐下，望下又望下，見到成條街嘅花店裏面就竟然有間餅店wor,，而且人流就絕對唔會比起花店少呀！咁就落車望下啦，順便就買個2包醫下肚啦！門口雪櫃有好多個壽桃，一個又一個造型蛋糕，全部都係做俾d老人家，我相信e家餅店都一定好多好多街坊支持呀！另外門口就重貼左有好多好多明星幫襯同埋食佢d蛋糕嘅相，咁我就再入去望一望啦！入到去都見到有其他嘅造型蛋糕啦，都幾有趣，但係呀媽打俾我話買完啦，要開車啦！咁我就買左一磅曲奇同埋買左幾個波羅蛋糕啦！曲奇就98蚊一磅，波羅包就6蚊一件。咁我d曲奇就事但執d啦，一食落去，嘩，有料呀！好鬆化呀，堅係一入口就溶，同埋之前我都學過幾堂果d曲奇興趣班，佢用果d應該都係靚牛油，食得出佢打牛油係打得好靚，應該係將d牛油由黃色打到白色先會有咁樣嘅效果呀！我最欣賞就係合桃味同埋朱古力味呀！朱古力味就食落去真係好香，合桃就真係好足料。之後就到波羅包啦，真係好有半片波羅呀！而個包就食得出係蛋糕果d餅底呀！好鬆軟，亦都甜甜地，幾好味，唔怪得之咁好賣啦！e間野堅係唔錯，下
門口雪櫃有好多個壽桃，一個又一個造型蛋糕，全部都係做俾d老人家，我相信e家餅店都一定好多好多街坊支持呀！另外門口就重貼左有好多好多明星幫襯同埋食佢d蛋糕嘅相，咁我就再入去望一望啦！
入到去都見到有其他嘅造型蛋糕啦，都幾有趣，但係呀媽打俾我話買完啦，要開車啦！咁我就買左一磅曲奇同埋買左幾個波羅蛋糕啦！曲奇就98蚊一磅，波羅包就6蚊一件。
咁我d曲奇就事但執d啦，一食落去，嘩，有料呀！好鬆化呀，堅係一入口就溶，同埋之前我都學過幾堂果d曲奇興趣班，佢用果d應該都係靚牛油，食得出佢打牛油係打得好靚，應該係將d牛油由黃色打到白色先會有咁樣嘅效果呀！我最欣賞就係合桃味同埋朱古力味呀！朱古力味就食落去真係好香，合桃就真係好足料。
之後就到波羅包啦，真係好有半片波羅呀！而個包就食得出係蛋糕果d餅底呀！好鬆軟，亦都甜甜地，幾好味，唔怪得之咁好賣啦！e間野堅係唔錯，下次呀媽生日可以黎e度做蛋糕呀！
張貼
