膠得喜 (已結業)

朋友介紹我去呢間膠得喜餐廳，話佢哋煮嘅花膠無得頂，而且款式創新，一於試試佢。首先係螺頭淮山杞子花膠燉雞，聞落去已經好香，飲落去第一啖就嘩咗出聲，鮮甜到不得了，花膠吸晒螺肉同雞嘅味道，真材實料。花膠濃湯雞㷛，雖然無咗第一個湯嘅清甜感覺，但多咗一份濃濃嘅雞味，花膠份量絶不馬虎。膠得喜撈蝦子面，蝦子面都食得多，但係用花膠做配襯就真係未食過，感覺幾招積。首創鹽酥花膠，有咁嘅整法真係未食過，感覺都特別，而且唔會太咸。最後加多兩碗糖水。