芽莊越式料理 (新城市廣場) (已結業)

芽莊必點三樣菜：生牛肉河、燒豬排撈檬、熱情果芒果沙冰！越南生牛肉河啲牛肉嫩滑，湯汁鮮而清，熱騰騰的湯絕對可以滾熟生牛肉，唔洗擔心唔熟唔衛生。燒豬排撈檬豬排香而嫩滑、易咀嚼，一定要落多啲桌邊酸而開胃嘅撈檬汁！啲配菜例如紅蘿蔔絲同生菜絲撈左酸汁之後好似醃菜咁juicy！最後壓軸嘅係鮮為人知嘅熱情果芒果沙冰！雖然價錢貴，但係係正宗即磨鮮甜呂宋芒果！口感綿密而冰涼，絕對唔係出面嗰啲膠味芒果，而且同撈檬好match好夾，係炎炎夏日消暑解渴嘅聖品！