萬波

營業中

休息中

第一次行過已經俾個名吸引左，之後行過幾次都好見多人，見今日放工唔多人排所以就買咗幾杯返屋企試吓。夏芒芝士我最鍾意係夏芒芝士，芒果好清甜而芝士好濃厚，雖然天氣凍凍地，但呢個真係最好飲。買完之後我先見到佢仲有杯飲品叫楊枝甘露，下次我會試下，睇吓邊杯好飲啲。波霸奶茶我老公就點咗杯波霸奶茶，佢話最簡單最普通嘅嘢先至飲得出間茶飲店做得好唔好。佢讚珍珠幾煮得幾好，夠煙韌又唔會太淋，個茶底都唔錯，不過佢就怕飲左茶會瞓唔着😂😂香草籽布蕾原茶我仔仔係俾啲香草籽吸引。我同佢講香草籽好香㗎，用香草籽而唔係雲里拿香油先係真材實料，所以佢就點咗一杯啦。結果亦不負我哋所望，香草籽奶蓋香滑可口，同布蕾原茶既味道非常夾。