PARKSIDE@NINA

營業中

休息中

最近網上好多人都介紹呢間餐廳，第一眼比佢嘅特色裝修吸引住，即刻好想嚟試試😋原來呢間餐廳係🪵🪨木化石主題餐廳，所以會有好多木化石嘅裝飾，再加埋佢個高樓底嘅教堂式設計，令人忍唔住不斷咁打卡📷頭盤：雜錦香腸拼盤份量都唔少，有四款德國🇩🇪腸配搭蜜糖🍯芥茉籽醬一齊食，味道咸甜配搭一流，入面有個好大嘅德國脆皮蝴蝶餅🥨好有特色，食落都幾有咬口，伴碟有酸瓜薯仔沙律，好豐富！主廚推介：風乾火腿蘑菇薄餅pizza係用酸種去整個餅底，會見到廚師現場即焗個pizza，風乾火腿嘅鹹香🥓配火箭菜獨有嘅香味，仲有松子，香菇，芝士嘅配襯，加埋煙靭嘅餅皮，香氣味道豐富。原隻烤豬手拼薯條烤豬手個皮烤得好脆🍖肉質粉嫩唔會柴，配埋個甜甜地嘅醬汁好解膩，而且隻豬手份量好足，好抵食，佢個薯條係連皮炸㗎，又香又脆又熱辣辣❤️仲有粟米🌽串同🥦西蘭花伴碟。餐廳嘅食物份量都頗大，細食嘅人叫嘅時候要留意，同埋其實好適合同一班朋友或者家人一齊嚟食，咁就可以叫多幾款happy sharing!