萬波

營業中

休息中

同朋友去荃灣掃得街頭小食，緊有食埋不少煎炸食物，所以一定要掃埋飲品，可以消滯解渴。係正小食店邊就正正有間装修設計十相似嘅台式飲品專賣店，咁方便當然即刻過隔離睇下有乜好飲。飲品選擇不少。有茗茶、手搖飲品，奶茶、水果茶和冬瓜茶等。企係門口已聞到陣陣茶香。主要提供中杯及大杯兩個份量選擇。一般中杯平均二十多元左右，個別特別飲品約四十元左右，價格不算貴。《香草籽布雷原茶》（$27/中杯）入口陣陣清優的烏龍茶香味，奶蓋面香濃，甜度適中。記得先搖勻才飲用味道會更佳。《金牌愛玉檸檬》（26）青檸檬味清新，特別解渴。每啖都混和粒粒愛玉，更添口感。同樣記得搖勻先飲。《珍玉冬瓜茶》（$26）冬瓜茶可以去濕下火，加入啫喱狀珍玉，有得飲又有得食。食完熱氣上火食物，飲呢個特別啱清熱氣。