影片
更多
2019-09-12
48 瀏覽
今晚就返嚟荃灣呢邊力生大廈樓下地鋪食越一，同朋友講左好耐好想食越南野，終於約到一齊食！😍😍😍嚟到越一，店員安排我地坐位，成間店鋪都好大，可以容納好多客人，店鋪裝飾方面主要都係以綠色為主，非常貼合越南風味。好喇講返食物方面，首先，我地叫左香葉辣肉碎生菜包$68，超喜歡食生菜包嘅我，覺得肉碎好足料好大份，仲有啲辣椒仔辣辣地好香口，唔會太辣，酸度好適中！生菜有四五塊左右，食完唔夠的話可再問店員refill，呢樣野係非常好，如果俾著其他餐廳就要加錢refill了，呢個值得讚！第二樣就係芒果軟殼蟹米紙卷$62，共有四件，整個米紙卷包得好靚，擺設得好靚，佢個米紙卷入面材料非常多，有蘿蔔絲、粉絲、青瓜、芒果、沙律菜仲有軟殼蟹，呢個米紙卷帶俾我好多驚喜！芒果係完全令成件事加分！軟殼蟹係剛剛炸出來！仲係脆卜卜架！食入口好fresh好多層次！酸酸甜甜正！🤤🤤🤤之後就係我最期待嘅串燒喇👅👅👅佢係有三串（分別係牛柳粒、雞肉、豬肉）再配上沙嗲醬$38。我最中意食牛柳粒，佢唔會燒到全熟，令到肉好硬，佢食落口係入口即融好有牛味，再有串燒烤出嘅味，唔洗點個醬都已經好正！我朋友就中意食雞肉，好嫩口好好味！串燒真係值得一
今晚就返嚟荃灣呢邊力生大廈樓下地鋪食越一，同朋友講左好耐好想食越南野，終於約到一齊食！😍😍😍嚟到越一，店員安排我地坐位，成間店鋪都好大，可以容納好多客人，店鋪裝飾方面主要都係以綠色為主，非常貼合越南風味。
好喇講返食物方面，首先，我地叫左香葉辣肉碎生菜包$68，超喜歡食生菜包嘅我，覺得肉碎好足料好大份，仲有啲辣椒仔辣辣地好香口，唔會太辣，酸度好適中！生菜有四五塊左右，食完唔夠的話可再問店員refill，呢樣野係非常好，如果俾著其他餐廳就要加錢refill了，呢個值得讚！
第二樣就係芒果軟殼蟹米紙卷$62，共有四件，整個米紙卷包得好靚，擺設得好靚，佢個米紙卷入面材料非常多，有蘿蔔絲、粉絲、青瓜、芒果、沙律菜仲有軟殼蟹，呢個米紙卷帶俾我好多驚喜！芒果係完全令成件事加分！軟殼蟹係剛剛炸出來！仲係脆卜卜架！食入口好fresh好多層次！酸酸甜甜正！🤤🤤🤤
之後就係我最期待嘅串燒喇👅👅👅佢係有三串（分別係牛柳粒、雞肉、豬肉）再配上沙嗲醬$38。我最中意食牛柳粒，佢唔會燒到全熟，令到肉好硬，佢食落口係入口即融好有牛味，再有串燒烤出嘅味，唔洗點個醬都已經好正！我朋友就中意食雞肉，好嫩口好好味！串燒真係值得一試！
再來就係胡椒粉絲大蝦煲$88，呢個煲一嚟嘅時候，好香好重八角味！佢係用平時大排隊叫啫啫雞煲果隻煲，所以耐熱非常好，食到尾嘅時候都係熱緊架👍🏻個大蝦煲有五隻大蝦，每隻蝦都係啖啖肉好鮮甜，而蝦底係鋪滿粉絲，朋友同我都超愛吃粉絲，仲要有湯係底，胡椒同八角味都好重，令到成個大蝦煲非常入味香口！呢個價錢食到咁高質份量咁多嘅大蝦煲係第二到揾唔到架喇！
最後，就係馬拉盞炒通菜喇$58！馬拉盞炒起菜上嚟一啲都唔咸，因為其他餐廳好容易會食到好咸，但越一嘅炒通菜一啲都唔會！好野味好香口！仲要份量好多！好抵食！！！
飲品方面，我就叫左杯椰汁三色冰$26，其實就好似泰國嘅椰汁珍多冰咁，入面除左有好重重嘅椰汁🥥外，仲有紅豆、黃豆、珍多！料好多好足，食極都仲有🤪🤪🤪最重要係好解渴！超級推薦啊！
我朋友就叫左杯鮮橙汁$28，開頭我仲笑佢，你叫橙汁咪姐係果汁先生囉😂😂😂點知杯橙汁嚟到嘅時候都幾大杯下，店員仲好強調真係新鮮搾出來架，同店員傾開計先知，原來呢杯橙汁用左5個新鮮橙搾出來！我地都好驚訝，邊有可能啊？仲有餐廳會咁樣做洩本生意？原來越一嘅老闆好強調所有野都係無添加，純天然！講真宜家呢個時世，邊會有餐廳真係咁好架😭😭😭
總結，呢間越一真心良心餐廳，所以食物都好大份仲要比其他同類嘅餐廳平10至20蚊，仲要有大大杯新鮮果汁飲添啊！嚟荃灣嘅朋友真係要嚟試下佢啊！真心真心推薦越一！😍😍😍😍😍😍
張貼
