影片
更多
2023-01-01
56 瀏覽
平時好少去荃灣，真係唔知有咩好嘢食，行行下商場頂層見到有間日本嘢，個招牌都幾吸晴，就同女朋友一齊試下。我地就坐吧枱，睇完menu無耐好快就嗌晒嘢食，坐喺度等食。我就嗌咗杯17碎半$78，應該係荔枝青檸梳打，荔枝味幾重，飲落都幾gur。首先就有明太子奄列$98，個明太子辣辣地咁，而個蛋都煎得唔錯，入面仲好嫩。跟住就係唐揚魷魚鬚$68，炸粉薄薄一層，唔會太厚，調味亦都恰當嘅。和牛都食唔少，但和牛坑腩$198真係好少食，脂肪豐富但絕對冇筋，而且牛味重，唔需要太多調味。真係估唔到日本餐廳都有鵝肝$108食，而且都想當滋味，少少臊味咁加埋個脆包喺底，水準都唔差。平時喺屋企都會買啲鱈魚乾$58整嚟食，呢度都有，份量唔少而且價錢都合理。冰頭漬$38即係三文魚頭前嘅軟頭，凍盤咁食，相當煙靭但又不乏魚香。呢個原隻活北寄貝$88真係師傅由一隻北寄貝燒香後剪碎，鮮味又幾有咬口，用嚟送酒都幾正。沙律嚟講，呢個比目魚沙律$78都幾出色，而且價錢唔貴，嘅魚油同沙律一齊食，加少少醋同車厘茄，都幾開胃。之後就到主食之一芝士御好燒$98，平時好少食御好燒，但呢個芝士御好燒真係啖啖芝士，都幾飽肚。之後就有松葉蟹肉海膽炒飯
我地就坐吧枱，睇完menu無耐好快就嗌晒嘢食，坐喺度等食。我就嗌咗杯17碎半$78，應該係荔枝青檸梳打，荔枝味幾重，飲落都幾gur。
首先就有明太子奄列$98，個明太子辣辣地咁，而個蛋都煎得唔錯，入面仲好嫩。
跟住就係唐揚魷魚鬚$68，炸粉薄薄一層，唔會太厚，調味亦都恰當嘅。
和牛都食唔少，但和牛坑腩$198真係好少食，脂肪豐富但絕對冇筋，而且牛味重，唔需要太多調味。
真係估唔到日本餐廳都有鵝肝$108食，而且都想當滋味，少少臊味咁加埋個脆包喺底，水準都唔差。
平時喺屋企都會買啲鱈魚乾$58整嚟食，呢度都有，份量唔少而且價錢都合理。
冰頭漬$38即係三文魚頭前嘅軟頭，凍盤咁食，相當煙靭但又不乏魚香。
呢個原隻活北寄貝$88真係師傅由一隻北寄貝燒香後剪碎，鮮味又幾有咬口，用嚟送酒都幾正。
沙律嚟講，呢個比目魚沙律$78都幾出色，而且價錢唔貴，嘅魚油同沙律一齊食，加少少醋同車厘茄，都幾開胃。
之後就到主食之一芝士御好燒$98，平時好少食御好燒，但呢個芝士御好燒真係啖啖芝士，都幾飽肚。
之後就有松葉蟹肉海膽炒飯$188，貴價都唔算平但又有松葉蟹又有海膽嘅炒飯，真係「仲想點先」！
最尾嘅最尾就係鐵板疏乎厘$98，係女仔都鍾意嘅疏乎厘，外脆內軟，同女朋友嚟食一定要嗌㗎啦！
估唔到呢間喺商場隱世日本餐廳，嘢食嘅性價比都唔差，可以值得再嚟多次。
張貼
