Olive Cafe (新領域廣場) (已結業)

今晚黎到位於荃灣既Olive Cafe食飯，餐廳係港鐵站附近，行一陣就到啦。今次我叫左個二人餐，包餐湯，沙律，主菜同甜品等等。餐湯入口味道都好香濃又唔會太過咸，好味。明太子軟殻蟹忌廉意粉意粉好彈牙，忌廉汁好濃郁，配上明太子既咸味好好味。軟殻蟹炸得好脆，入口好多肉汁。挪威三文魚柳三文魚好大塊，調味調得岩岩好，肉質彈牙。依個餐仲有牛肉或豬肉做配菜添。三色氣泡果凍依家好少食到果凍啦，估唔到可以係到食到，果凍味道清鮮同份量都好足夠，配上其他配料食真係好夾。整體黎講，今餐既價錢唔算貴，可以食到咁多樣野真係好抵食。