樓下冰室 (已結業)

最近以蕃茄濃湯為主題既餐廳越開越多，周圍食試周圍試先發現，其實已經開咗好耐、真係喺正我樓下嘅呢間樓下冰室既招牌蕃茄湯麵同埋佢哋嘅瑞士汁雞髀雞翼，都值得係蕃茄界別佔一席位。.都算係呢間冰室嘅常客，試過佢哋餐單好多款唔同嘅飯麵。蕃茄湯底同瑞汁出品係佢哋嘅招牌作，基本上入到去都係人人一碗。.是日餐單：鮮茄濃湯牛肉意粉 套餐💲46跟煎雙蛋牛油厚多士熱奶茶⭐️3.6/5蕃茄湯底好濃郁，甜甜既鮮茄加蕃茄蓉湯配份量幾夠既意粉底。牛肉雙蛋多士呢啲就係茶餐廳例牌貨色。熱奶茶底香滑。.不過吐糟既係佢地環境同服務質素。唔知其他分店係咪一樣，首先呢間分店地方係異常地淺窄，檯同座椅擺得十分逼身型大既朋友仔接近要攝入，人均空間比一般人多既茶餐廳仲要細，如果搭檯接近係人貼人。另外，服務員態度都有極大進步空間，不止一次聽到因為人多，就算已經開始用餐都會逼食客轉檯/就算明明應該只可以鬆動少少坐單人既檯，都要逼兩位客人入去。如客人拒絕，服務員態度會變得惡劣帶點呼喝甚至要寧願客人離座。呢點係就算食物有質素都需要扣分。.不專業食連 nei.foodie