名捌月 (已結業)

同個朋友去荃灣行街，行完之後就順便係附近搵嘢食，咁啱經過路德圍，見到有間食西餐嘅餐廳門面都裝修得唔錯，就決定入去試下。我地2個人叫左3樣嘢食，慢煮紐西蘭菲力牛柳、松葉蟹肉蟹膏意粉同埋一份美式水牛城單骨雞翼。美式水牛城單骨雞翼，將雞翼一分為二，好方便食，雞翼炸到好脆好惹味，啲sauces配搭都唔錯，食到停唔到口。慢煮紐西蘭菲力牛柳，我地落單嗰陣諗住叫七成熟，但老闆很細心建議五成就夠了，如果唔係就會比較韌。果然黎到之後食落啱啱好，個牛柳好juice ，個醬汁同個牛柳都幾夾。松葉蟹肉蟹膏意粉個賣相睇落幾靚，而且都幾足料，食到啖啖嘅蟹肉同蟹膏。依餐整體都幾滿意，值得推介。