緣聚鮮鍋 (已結業)

放題？任食？buffet？邊爐？以上四種食法其實香港人都唔陌生，但mix up成為一餐唔知大家又會點睇？今日朋友約食飯嚟到「緣聚鮮鍋」，一心懷住疫情下邊爐家族的意志與決心，但當然search還是有做足，見餐廳衞生評語都唔錯，於是就膽粗粗請君入饔，大家一餐食返餐「全包宴」，即係一同個場有齊放題、任食、buffet同邊爐四大元素！甫入座，地方相當大而寬敞，燈光通明，感覺真的如友人所謂，環境及衞生都唔太擔心。餐廳佔地全層，除咗食客區，仲有冷盤區、炸物熱食區、刺身壽司區、飲品區、甜品區及最重點嘅打爐邊自助配料區。花多眼亂，邊爐食材方面選擇好多元化，特別係丸類相當齊全，蔬菜種類亦好豐富，啱晒愛veg嘅我同朋友。至於肉類方面，就好方面，掃掃QR code就可以online order，紅肉類有豬牛，白肉類有雞及海鮮，雖然款式唔算好多，但加埋場內其他唔同區嘅冷盤同熱食，其實尚算豐富。個人認為肉類方面質素可以，性價比高，而且特別欣賞佢一份嘅量唔算多，令食客可以更好控制唔會咁易造成浪費。