津一 (已結業)

荃豐中心其實有好多美食小店, 今次喺附近買完嘢, 經過就試咗呢間京川滬菜外賣店。佢哋提供一系列上海湯麵、飯類, 人均消費 $40-$50, 價錢親民又抵食! 🍜酸辣湯烏冬湯嘅酸來自香醋, 辣則來自白胡椒粉, 酸醒辣辣, 令人開胃! 裡面有木耳、豆腐、筍、雞蛋等等, 濃稠度、鹹度與酸辣味調配得剛剛好。配埋烏冬, 正~🍜雞絲上海麵 會附上辣油, 雞絲份量多, 跟套餐加樽凍豆漿, 更加滿足~ 湯底比較清淡, 所以建議將辣油加入湯底裏。