影片
更多
2017-07-20
174 瀏覽
今年係荔園關閉後嘅第二十年，呢二十年係無論係香港定係我都變左好多，我就由比人帶去荔園變左帶人去荔園茶餐廳，至於香港，唔講啦。一去到門口已經有隻老虎仔係到，不過變左純白色，小朋友都話要同佢影相。入到去就有返塊老虎仔屏風，天花板仲有幾隻木馬同以前攤位掛住嘅燈膽仔，牆上邊仲掛左一啲畫呀，以前荔園嘅地圖等等嘅野係到，係同期望中嘅荔園有啲唔同嘅，但簡單啲都好嘅，始終係餐廳，唔係主題公園。荔園講野食嘅話應該都非雞髀莫屬，但老婆話雞髀已經好熱氣，唔準比小朋友食薯角，咁唯有食沙律啦。之後再叫左照燒牛肉雜菜炒烏冬、法式焗芝士白菌忌廉石班魚柳飯（個名好長……）同埋老婆最中意嘅”煎Pan”粒粒西多士。呢到幾樣野最好食固然係雞髀，又大隻，炸到鬆脆之餘肉汁又多，啖啖肉，不負我二十年黎嘅思念。同碟嘅沙律我唔係十分有興趣，但試左一啖，黑醋嘅味道都幾好，菜亦唔錯。焗魚飯賣相好吸引，芝士汁好好味，飯亦有炒底，但有啲濕，而作為主角嘅魚唔會太實，亦唔會散曬，亦唔係冇味嘅急凍魚柳，總括黎講幾好食。而牛肉炒烏冬亦好有鑊氣，上面嘅青椒同紅椒嘅顏色好豐富之餘，亦炒得幾好食，烏冬幾有質感，唔會太淋，牛肉肉味十足，但係配料同烏冬比例有
一去到門口已經有隻老虎仔係到，不過變左純白色，小朋友都話要同佢影相。入到去就有返塊老虎仔屏風，天花板仲有幾隻木馬同以前攤位掛住嘅燈膽仔，牆上邊仲掛左一啲畫呀，以前荔園嘅地圖等等嘅野係到，係同期望中嘅荔園有啲唔同嘅，但簡單啲都好嘅，始終係餐廳，唔係主題公園。
荔園講野食嘅話應該都非雞髀莫屬，但老婆話雞髀已經好熱氣，唔準比小朋友食薯角，咁唯有食沙律啦。之後再叫左照燒牛肉雜菜炒烏冬、法式焗芝士白菌忌廉石班魚柳飯（個名好長……）同埋老婆最中意嘅”煎Pan”粒粒西多士。
呢到幾樣野最好食固然係雞髀，又大隻，炸到鬆脆之餘肉汁又多，啖啖肉，不負我二十年黎嘅思念。同碟嘅沙律我唔係十分有興趣，但試左一啖，黑醋嘅味道都幾好，菜亦唔錯。
焗魚飯賣相好吸引，芝士汁好好味，飯亦有炒底，但有啲濕，而作為主角嘅魚唔會太實，亦唔會散曬，亦唔係冇味嘅急凍魚柳，總括黎講幾好食。而牛肉炒烏冬亦好有鑊氣，上面嘅青椒同紅椒嘅顏色好豐富之餘，亦炒得幾好食，烏冬幾有質感，唔會太淋，牛肉肉味十足，但係配料同烏冬比例有啲失衡，兩個細路每人食啲就冇左大半，反而係淨返好多椒。
至於西多，我老婆話好食，因為冇花生醬，而且好脆，但係我覺得花生醬就係西多嘅靈魂所在，個殼幾靚幾好食都冇用，冇靈魂就係唔掂。
特別一提個菠蘿冰，有得自己落手整，比小朋友玩就啱曬，而且甜甜地啱佢地飲，所以可以一試。
張貼
