影片
更多
2023-11-15
342 瀏覽
金酒屋@長沙灣道今日朋友帶路去呢間打卡日式餐廳食好嘢，沿着長沙灣道行到一個比較偏遠嘅角落，門口見到兩個好高嘅日式燈籠就係佢啦。呢度嘅裝修以木系色調為主，有着超高樓底以及牆身嘅和紙圖紋裝飾。作為日式居酒屋，佢提供幾個榻榻米包廂，私隱度極高，好有日式風情。餐廳仲有個吧枱區域可以直接觀摩師傅刀工，睇住佢精心準備大家嘅食材！因為係近期都出名嘅打卡餐廳，所以佢長期都好爆。我哋當晚都全場滿座，記得要提前訂座。佢哋侍應嘅服務都好好，上菜時會簡單介紹菜式，仲會主動關心我哋嘅感受。🍱月見薄燒宮崎和牛飯呢度嘅和牛係其中一樣必食嘅嘢，其中一野出名嘅就有和牛飯。侍應起上菜嘅時候會即場用火槍炙燒粉嫩嘅雪花宮崎和牛，一路燒嘅時候一路傳黎和牛油脂嘅香氣。燒好之後再配上生雞黃同白飯，攪勻一齊食，非常滋味。🌝月見宮崎和牛卷去到見到每個人枱上邊都有嘅打卡菜式，呢個宮崎和牛卷係必點推介，坐喺吧枱隔離可以親眼睇到師傅製作和牛卷。和牛散發住濃濃嘅香氣，中間填滿香蔥粒。上面加上橙黃色嘅日本雞蛋，吉穿蛋黃再沾上生雞蛋汁就可以食用。牛肉再加上蛋汁口感好嫩滑，入口味道豐富同合拍。🍚金丼。月見海膽三文魚籽拖羅蓉金丼賣相誘人，又係一個每枱
今日朋友帶路去呢間打卡日式餐廳食好嘢，沿着長沙灣道行到一個比較偏遠嘅角落，門口見到兩個好高嘅日式燈籠就係佢啦。呢度嘅裝修以木系色調為主，有着超高樓底以及牆身嘅和紙圖紋裝飾。作為日式居酒屋，佢提供幾個榻榻米包廂，私隱度極高，好有日式風情。餐廳仲有個吧枱區域可以直接觀摩師傅刀工，睇住佢精心準備大家嘅食材！
因為係近期都出名嘅打卡餐廳，所以佢長期都好爆
。我哋當晚都全場滿座，記得要提前訂座。佢哋侍應嘅服務都好好，上菜時會簡單介紹菜式，仲會主動關心我哋嘅感受。
🍱月見薄燒宮崎和牛飯
呢度嘅和牛係其中一樣必食嘅嘢，其中一野出名嘅就有和牛飯。侍應起上菜嘅時候會即場用火槍炙燒粉嫩嘅雪花宮崎和牛，一路燒嘅時候一路傳黎和
牛油脂嘅香氣。燒好之後再配上生雞黃同白飯，攪勻一齊食，非常滋味。
🌝月見宮崎和牛卷
去到見到每個人枱上邊都有嘅打卡菜式，呢個宮崎和牛卷係必點推介，坐喺吧枱隔離可以親眼睇到師傅製作和牛卷。
和牛散發住濃濃嘅香氣，中間填滿香蔥粒。上面加上橙黃色嘅日本雞蛋，吉穿蛋黃再沾上生雞蛋汁就可以食用。牛肉再加上蛋汁口感好嫩滑，入口味道豐富同合拍。
🍚金丼。月見海膽三文魚籽拖羅蓉
金丼賣相誘人，又係一個每枱打卡必備嘅選擇。金丼屬於店家自創，大碗嘅珍珠米飯上邊鋪上厚厚的金槍魚蓉，三文魚籽同幾片鮮嫩的海膽，上邊仲有粒大大嘅日式蛋黃，令人流晒口水。食嘅時候可以先將蛋黃吉穿，等蛋液缓緩流到米飯之中再同其他配料撈勻。入口即刻感受到海膽嘅鮮甜，同埋三文魚籽喺口中爆發嘅鮮味，配上油脂豐潤的拖羅同蛋漿，唔需要加醬油已經好夠味。
🍗雞軟骨/月見雞肉棒/雞腎串燒
去居酒屋就一定要食串燒，咁我哋都嗌咗一啲比較常見嘅串燒。其中最出色一定係佢哋月見系列嘅雞肉棒，雞肉棒沾上生雞蛋汁之後非常惹味，令人食唔停口。
🪿厚燒鵝肝飯團
呢個鵝肝飯糰亦都十分吸引我哋注意力，佢嘅份量唔算太大，適合當做小食。近距離已經聞到佢散發住嘅濃濃香氣，入口鵝肝唔算太肥膩，肥瘦適中入口即溶，配合埋爽脆嘅飯團，係一個非常好嘅配搭。
🐮宮崎和牛海膽刺身
平時好少有機會直接食生牛肉嘅刺身，所以都唔知會唔會好奇怪。但係佢呢個生和牛刺身本身嘅選材唔差，牛肉有着好靚嘅雪花紋，海膽亦都鮮甜，入口即溶，配搭得宜所以食落都唔會太難入口。
🍶天吹純米大吟釀
基本上每枱嘅客人都喺度飲緊酒，咁我哋都梗係叫返枝清酒。佢哋淨係裝酒嘅玻璃器皿都已經非常適合打卡，每隻都有着獨特嘅日式花紋同埋形狀。係酒嚟到之前，廚師已經準備好開胃漬物前菜比我哋，有苦瓜、蘿蔔、黃瓜和山藥，每一種都清爽開胃，好適合邊傾計邊食。
月見薄燒宮崎和牛飯
8 瀏覽
0 讚好
0 留言
月見宮崎和牛卷
8 瀏覽
0 讚好
0 留言
金丼。月見海膽三文魚籽拖羅蓉
12 瀏覽
0 讚好
0 留言
雞軟骨/月見雞肉棒/雞腎串燒
10 瀏覽
0 讚好
0 留言
厚燒鵝肝飯團
12 瀏覽
0 讚好
0 留言
宮崎和牛海膽刺身
6 瀏覽
0 讚好
0 留言
天吹純米大吟釀
4 瀏覽
0 讚好
0 留言
張貼
