Castle Cafe (已結業)

荔枝角出名多隱世餐廳，呢排咁啱去荔枝角行街順便發掘新餐廳，見到呢間嘅午餐好吸引，而且價錢都好親民，所以就決定入去試試😍 常餐(粟米火腿番茄濃湯通粉+美式雞扒+牛角酥) $60番茄湯超！級！濃！到最後忍唔住飲晒啲湯，而且通粉份量好多，配埋粒粒粟米好滿足😋。雞扒食落香口多汁，同埋好嫩唔老，牛角包更加出乎意料，酥皮非常鬆脆，好好食！焗薯套餐 (車打芝士粟米+火腿碎蛋沙律螺絲粉) $60芝士控一定要嗌車打芝士！啲芝士多到已經跌落隻碟到，焗薯包配芝士非常惹味，同埋好飽肚～螺絲粉嘅份量都好多，配埋碎蛋火腿好夾，鍾意食焗薯嘅朋友記得要嗌呢個餐！