阿土伯鹽水雞 (已結業)

抗疫期間，好多餐廳都冇開，星期日既荔枝角人氣少得可憐。不過這情況卻令這間小小的食店變得份外舒服。慢慢地品嘗微辣的雞，聽著一堆陪伴九十後成長的台灣歌，感覺好chill呢！環境：唔大，但都坐到5、6檯客。今日就只有大概10個人，不太嘈吵。簡單的擺設及色調好配合枱櫈顏色，望住都覺得舒服。（純粹個人主觀感覺啦）食物：叫左個午市套餐（$63），鹽水雞（微辣）+2個餸（皮蛋&貢丸）+肉躁飯+飲品（另加$10叫個芝士奶蓋四季春），都算抵食。主角雞肉爽口入味，冇乜肥油。味道方面辣味清新，唔會好嗆，如果加少少芝蔴會好啲。配皮蛋簡直係正，不過隻皮蛋蛋白爽口啲口感會更好。貢丸同肉躁飯就表現正常。芝士奶蓋四季春表現合理，茶底少少甘香，奶蓋部分略嫌太多cream，但鹹味適中。加$10就有，very ok la!3人以下聚會最適合，大家識做啦。