影片
更多
2022-11-10
665 瀏覽
今年介紹左家上海同十里洋場，第二間要介紹甫田，原來呢間新加坡野都有大閘蟹食。有不同嘅餐可以選擇，我地當晚試左個四人餐。不過除左大閘蟹靚係重點之外，你可以試到唔同嘅莆田signature，有一排唔知點解無人講呢間餐廳，咁就不如我講下。最好係呢排只要惠顧就可以半價叫佢哋siganture百秒黃花魚，相信好多人認識呢間餐廳係因為蟶子同佢，平到咁有乜理由唔叫？我地叫左一碟，味道依然不變。講番個餐先，九轉小腸係十最之一，當然要食。真係好煙韌又有層次，用呢個做開場，真係好適合。冰鎮南日鮑，呢個我之前無乜印象，但食落去又幾好，個凍凍地嘅汁令人好想再食，勁開胃，而且鮑魚都幾大隻。椒鹽豬手係絕對大推，最好係因為佢又平又靚，熱辣辣食落去骨膠原好豐腴，係絕對令人難以忘懷嘅味道。清蒸大閘蟹當然係重點，食公食乸睇時間，今晚食公，爆膏係必然的，每位再送上一杯薑酒，好鬼滿足。鮮貝燴絲瓜，小清新嘅感覺來自甜甜嘅絲瓜，個湯頭最好都唔放過。酒香竹筒蝦以為係食蝦，原來重點係個湯底，酒香豐滿，但隻竹筒蝦都好大隻，開落去又爽口彈牙，呢個湯簡單得來都幾令人難忘。招牌主食有三樣選擇，福建紅菇海鮮滷麵/興化炒米粉/媽祖平安麵，好難選
有不同嘅餐可以選擇，我地當晚試左個四人餐。
不過除左大閘蟹靚係重點之外，你可以試到唔同嘅莆田signature，有一排唔知點解無人講呢間餐廳，咁就不如我講下。
最好係呢排只要惠顧就可以半價叫佢哋siganture百秒黃花魚，相信好多人認識呢間餐廳係因為蟶子同佢，平到咁有乜理由唔叫？我地叫左一碟，味道依然不變。
講番個餐先，九轉小腸係十最之一，當然要食。真係好煙韌又有層次，用呢個做開場，真係好適合。
冰鎮南日鮑，呢個我之前無乜印象，但食落去又幾好，個凍凍地嘅汁令人好想再食，勁開胃，而且鮑魚都幾大隻。
椒鹽豬手係絕對大推，最好係因為佢又平又靚，熱辣辣食落去骨膠原好豐腴，係絕對令人難以忘懷嘅味道。
清蒸大閘蟹當然係重點，食公食乸睇時間，今晚食公，爆膏係必然的，每位再送上一杯薑酒，好鬼滿足。
鮮貝燴絲瓜，小清新嘅感覺來自甜甜嘅絲瓜，個湯頭最好都唔放過。
酒香竹筒蝦以為係食蝦，原來重點係個湯底，酒香豐滿，但隻竹筒蝦都好大隻，開落去又爽口彈牙，呢個湯簡單得來都幾令人難忘。
招牌主食有三樣選擇，福建紅菇海鮮滷麵/興化炒米粉/媽祖平安麵，好難選擇之下我都要左興化炒米粉，四人份量變咗八人份量，食完都基本上你一定可以打包咁你都估到有幾大份，興化炒米粉有說不出咁多種料，炒到條條分明，好唔錯。
甜品有竽圓花生湯，相對最普通，可能因為menu入面有好多好出色嘅甜品，但係竽圓花生湯係莆田特色，係個大閘蟹menu都係必然的，朋友選嘅一件榴蓮甜品，唔記得左叫乜名，但都幾好食，愛榴蓮就睇下menu去點了。
凡惠顧任何大閘蟹套餐，當然可以享半價福建老酒優惠，一壼都只係$34，當然要飲，大家如果想食嘅就不要錯過啦。
張貼
