李公館

營業中

休息中

兩口子食生日飯想搵間特別啲嘅中菜館，呢間人氣館子地方雖小，但裝修優雅簡潔有氣派。我哋預早訂咗兩隻5両大閘蟹，蟹肉結實鮮甜，蟹膏濃郁 Creamy😋，跟埋杯薑茶，有助溫熱驅寒。話梅凍豬手，豬手皮彈牙、筋軟滑、肉嫩口，濃郁話梅甜酸味，開胃小食。話梅花彫鮑魚上枱時充滿仙氣，因為盛盤下放了乾冰，店員灌入清水之後，鮑魚就好似置自雲霧中，客人未食先興奮🤪。石鍋馬拉盞炒芥蘭，芥蘭香甜鮮嫩，但略嫌炒得太淋，沒有了口感！茶香燻雞半隻，份量算大，雞皮脆薄，但肉質略嫌唔夠滑，可以話係鞋，茶味亦唔濃。招牌菜之一冰鎮咕嚕肉，大大碟冰埋藏著炸過嘅咕嚕肉，以冷熱交融效果令外皮更酥脆。但可惜炸皮太厚，面層糖漿太甜，食了兩件巳經感覺很膩。豬肉無肉味，肥瘦不勻稱，有點失望😞！半打壽包亦需要預訂，特色在於放棄傳統蓮蓉作餡料而改用紫薯蓉。紫薯蓉香滑唔太甜，健康有益。