影片
更多
2023-03-21
3442 瀏覽
大隻仔今次覓食嘅店舖就係💥 萬發海鮮菜館（九江街）💥 好耐冇食過大排檔，大隻仔今晚到深水埗萬發同朋友食晚飯。小菜味道不錯，幾好食，尤其是「黑椒薯仔牛柳粒」真係超級好食，不過當晚食完晚飯後，全晚都非常口乾。另外，大隻仔覺得蒜蓉蒸海蝦唔足秤，詳情如下。🥲🥲 大隻仔比較推薦明碼實價嘅小菜。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豉汁蒸白鱔 $148第一碟嚟到就係蒸白鱔，都幾大碟，有12-13件，白鱔肉夠厚，唔會切得太薄，而且肉滑夠新鮮，不過豉汁味道就比較淡。🔥 蒜蓉蒸海蝦 $280$28一両，最少10両起，驟眼睇好似好多隻蒸海蝦，一共16邊，即係其實得八隻海蝦，而且海蝦唔大隻，大隻仔覺得唔足秤，10両應該唔會得8隻中細蝦卦，可能計埋蒜蓉重量先夠秤。😂😂講返味道，海蝦只係一般貨色，普通白蝦，唔算彈牙，但又冇霉既，至於蒜蓉蒸蝦，蒜蓉夠多，但粉絲底味道比較淡，豉油不夠味。🔥 黑椒薯仔牛柳粒 $138超級有驚喜嘅一碟餸，必食，只比較「黑椒薯仔牛柳粒」，應該係深
💥 萬發海鮮菜館（九江街）💥
好耐冇食過大排檔，大隻仔今晚到深水埗萬發同朋友食晚飯。
小菜味道不錯，幾好食，尤其是「黑椒薯仔牛柳粒」真係超級好食，不過當晚食完晚飯後，全晚都非常口乾。
另外，大隻仔覺得蒜蓉蒸海蝦唔足秤，詳情如下。🥲🥲 大隻仔比較推薦明碼實價嘅小菜。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️⭐️
服務 ⭐️⭐️
環境 ⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 豉汁蒸白鱔 $148
第一碟嚟到就係蒸白鱔，都幾大碟，有12-13件，白鱔肉夠厚，唔會切得太薄，而且肉滑夠新鮮，不過豉汁味道就比較淡。
豉汁蒸白鱔
$148
84 瀏覽
0 讚好
0 留言
🔥 蒜蓉蒸海蝦 $280
$28一両，最少10両起，驟眼睇好似好多隻蒸海蝦，一共16邊，即係其實得八隻海蝦，而且海蝦唔大隻，大隻仔覺得唔足秤，10両應該唔會得8隻中細蝦卦，可能計埋蒜蓉重量先夠秤。😂😂
講返味道，海蝦只係一般貨色，普通白蝦，唔算彈牙，但又冇霉既，至於蒜蓉蒸蝦，蒜蓉夠多，但粉絲底味道比較淡，豉油不夠味。
蒜蓉蒸海蝦
$280
65 瀏覽
0 讚好
0 留言
🔥 黑椒薯仔牛柳粒 $138
超級有驚喜嘅一碟餸，必食，只比較「黑椒薯仔牛柳粒」，應該係深水埗咁多間出名大排檔最好食。
薯仔有炸過，外脆內軟，每粒都包住蜜糖好好食，牛柳粒夠淋，唔乾唔柴，味道甜甜地會食唔停口。😋😋
黑椒薯仔牛柳粒
$138
92 瀏覽
0 讚好
0 留言
🔥 白飯 $13
白飯正常，少少偏硬。
白飯
$13
98 瀏覽
0 讚好
0 留言
溫馨提示：
九江街萬發有四間門面，包括出菜既廚房、燒味部、海鮮部，同埋收銀部。排隊、落單、俾錢都要搵收銀部既員工，如果搵其他部門員工，例如：傳菜員會十問不應、或者冇禮貌對待。
味精超重，食完非常口渴，需要飲汽水。
海鮮真係海鮮價，大隻仔比較推薦明碼實價既小菜。
張貼
