泰星匯泰國菜

營業中

休息中

同老婆都好耐冇黎葵芳行街食野喇，今日過來行下街睇下有咩食先，行行見到有間泰國野，我地其實都好耐冇食泰國野喇，之後坐底試下先。【椰青沙冰】值得推介!!真係好特別，平時多數係一杯杯，唔會好似佢地咁係成個椰青上，兩個人飲的話都已經足夠，最重要D沙冰打得好幼細，原全唔覺有冰粒，喺咁炎炎夏日飲返個超滑既沙冰，超正!!【燒大鱔】值得推介!!係泰國菜館都見到有串燒大鱔，真係少見，鱔燒得非常香口又有蜜糖味，皮仲少少脆口，正。【炸芝士蝦丸】芝士味都好濃，正啊，只係個人對丸類無咩興趣，而且粒丸既比例同份量都岩岩好。【薑蔥蟹肉海鮮炒粉絲】值得推介!!粉絲炒得非常乾身，有好多材料，有蝦、魷魚、蟹肉等，粉絲乾身得來又夠香口又不會好鹹。真心正!!【馬拉盞炒通菜】值得推介!!馬拉盞通菜，好夠惹味！正！又不會過鹹，其他地方一係好鹹一係冇味，呢間係我食咁多之中最好食。【鹽燒鱸魚】燒魚就未見過咁大條，燒得岩岩好，魚肉非常嫩滑。整體上真係好好食，最重要係價錢不算好貴。