影片
更多
2015-09-10
2575 瀏覽
上載食評, 比編輯彈回頭, 話我"重覆濫發, 又話我用不同食家身份 刊登相似內容", 編輯大人呀, 我與我屋企人一齊去架, 食既嘢當然係一樣啦, 我寫食評, 佢又寫食評, 大家都係用家中部電腦和上網ISP上載, 官大人呀, 我可以點啫.... 同朋友食午餐，佢係樓上返工，喺商場到食會較方便，而且應該有唔少食店，當我一推開對玻璃門，踏出了幾步就見到對面有間用咗白色窗框玻璃窗做牆嘅鋪頭好吸引，所以就行近再睇睇，原來係我好喜愛嘅餐廳Passion by Gerard Dubois, 之前係尖沙咀分店已經幫襯過，呢間餐廳有好多麵包、沙律同甜品，所以見到就唔諗其他選擇，叫咗個朋友嚟搵我入去食午餐。原來呢間係新開嘅分店，因為有個之前係尖沙咀做過熟口面的店員，同佢傾咗幾句之後，佢就話俾我聽呢間係新店，仲好友善咁介紹食物俾我地試，見到呢到裝修同其他分店都差唔多，同樣有高檯凳， 迷你小餐檯，法式風格的小咖啡店味道。原來呢間係新開嘅分店，因為有個之前係尖沙咀做過熟口面的店員，同佢傾咗幾句之後，佢就話俾我聽呢間係新店，仲介紹食物俾我地試，見到呢到裝修同其他分店都差唔多，同樣有高檯凳， 迷你小餐檯，法式風格的
同朋友食午餐，佢係樓上返工，喺商場到食會較方便，而且應該有唔少食店，當我一推開對玻璃門，踏出了幾步就見到對面有間用咗白色窗框玻璃窗做牆嘅鋪頭好吸引，所以就行近再睇睇，原來係我好喜愛嘅餐廳Passion by Gerard Dubois, 之前係尖沙咀分店已經幫襯過，呢間餐廳有好多麵包、沙律同甜品，所以見到就唔諗其他選擇，叫咗個朋友嚟搵我入去食午餐。
原來呢間係新開嘅分店，因為有個之前係尖沙咀做過熟口面的店員，同佢傾咗幾句之後，佢就話俾我聽呢間係新店，仲好友善咁介紹食物俾我地試，見到呢到裝修同其他分店都差唔多，同樣有高檯凳， 迷你小餐檯，法式風格的小咖啡店味道。
原來呢間係新開嘅分店，因為有個之前係尖沙咀做過熟口面的店員，同佢傾咗幾句之後，佢就話俾我聽呢間係新店，仲介紹食物俾我地試，見到呢到裝修同其他分店都差唔多，同樣有高檯凳， 迷你小餐檯，法式風格的小咖啡店味道，有幾個放有唔同食物嘅廚窗櫃，有放麵包、三文治、沙律、甜酥撻、甜品等，每個廚窗櫃裡面嘅食物都好靚同吸引，甜品小蛋糕特別款式多，而且顏色有好鮮艷奪目，有陣時見到咁靚真係有啲唔捨得食㗎﹗
平時嘅我就算無時間入去食嘢，都會買番啲麵包或曲奇放係屋企食，因為麵包除咗新鮮之外，每種麵包都有其獨特性，外層香脆兼內軟，真係食到可以唔停口，所以每次都會買唔同嚟試吓。
小蛋糕顏色又多，啲造形好鬼吸引。
Cupcakes 只係呢間新分店先有得買。
有陣時啲廚窗櫃，隨時可以搵到一啲驚喜㗎﹗
BBQ Baby Pork Shank，呢個豬仔脾熱食熱辣辣，啲肉好腍好嫩仲好鬼入味，一啲肥膩感都無，啲醬汁又甜又香，配上麵包沾上啲汁一齊嚟食，真係好滋味。
Smoked Salmon & Brie Sandwich, 麵包外層香脆，內裡好鬆軟可口，咬時有豐富口感，餡料有煙三文魚、Brie Cheese（口感柔軟，有濃濃乳香）、Frisee (清爽微苦) 的口感。
3款自選沙律，有烤薯仔青豆、蔬菜伊甸園、雞肉意粉，呢到每款沙律均配搭唔同新鮮嘅薯仔、蔬菜、豆類、番茄、南瓜、小米、芝士同意粉，除咗有唔同顏色嘅沙律配搭之外，又好健康，又好味，尤其特別喜愛雞肉意粉沙律，意粉係貝殼型的，有口感，啲沙律醬味道好香，似帶啲咖喱味，雞肉又好食，整個沙律好惹味。
Café au Lait, 牛奶多而咖啡少，另外咖啡面上有一層打成泡沫的牛奶，所以咖啡變得柔滑香甜，甘香濃郁好滋味。
Cappuccino，牛奶較少，飲第一口時有大量牛奶泡沫，味道香甜軟滑，第二口時有濃郁嘅咖啡豆甘香苦澀味，喜歡咖啡味濃的人會較適合飲。
呢個會迷人嘅Raspberry Milles Feuilles, 外形已經好有吸引力，新鮮嘅紅桑子帶啲酸酸甜甜，夾住啲吉士同三層酥皮，酥皮好鬆脆，唔會太硬，香甜嘅吉士又軟又滑，整個吉士酥皮同紅桑子配合得好夾，連隻碟嘅裝飾都好吸引，係用朱古力粉併成的大音符，好討人喜愛，好鬼好食。
呢個Caffe on Chocolate有感外表高貴美麗，暫時係其他分店未有得買，而蛋糕面上一層層嘅類似奶油忌廉的裝飾得好靚，口感軟滑，甜味適中，下層蛋糕有極濃郁嘅黑朱古力味，唔會過甜太膩，而且十分鬆軟，用小小嘅杯盛載，好得意可愛。
張貼
