影片
更多
2019-05-28
716 瀏覽
好討厭禮拜一去銀行，總會搞到連食飯嘅時間都冇埋。純屬路過，雖然隔離有間新嘅餐廳，但穩陣起見，都係入咗八方雲集，始終食過幾次，都放心。原以為係簡單快捷嘅一餐，結果食到成肚氣。啲嘢食都係自己喺張紙到剔，然後由啲樓面阿姐入電腦單。最初冇為意，之後先見到，我想飲嘅雙Q奶茶冇幫我order到！最先上嘅係酸辣湯，酸味濃，冇乜辣味。有齊木耳絲、麵線數條、金針菇、紅蘿蔔絲同肉絲、豆腐粒，叫做足料。熱辣辣，要慢慢食，不過我食晒啦，啲鍋貼都仲未上。睇睇啲樓面阿姐，喺到吹水，仲要係最前面張檯食緊麥記雞翼，完全冇理到啲客。直到坐喺我後面嘅兩個姐姐都終於出聲問：“啲嘢都飲晒啦，鍋貼呢？”食緊雞翼嘅阿姐先恍然大悟，急急腳走去個檔入面，一路搞一路大聲講：“煎燶咗啊，等等先啊，唔好意思！”當時知道自己都中招，冇計，都要等，但真心餓到人都等到憫。鍋貼上到來，仲見到啲焦，應該係啲殘餘物，唔夠脆，亦冇印象中咁辣啦，只有好濃重嘅蒜頭味。如果係泡菜鍋貼，咁只能夠說呢款泡菜嘅質素都真係麻麻哋！食完真係好需要杯雙Q奶茶啷啷口！夜晚嘅時候，明顯地胃氣漲，噁咗幾聲，空氣中瀰漫嘅全都是啲蒜頭味！好臭啊～最後講返啲餐具問題，已經有好多餐廳
純屬路過，雖然隔離有間新嘅餐廳，但穩陣起見，都係入咗八方雲集，始終食過幾次，都放心。
原以為係簡單快捷嘅一餐，結果食到成肚氣。
啲嘢食都係自己喺張紙到剔，然後由啲樓面阿姐入電腦單。最初冇為意，之後先見到，我想飲嘅雙Q奶茶冇幫我order到！
酸辣湯
569 瀏覽
0 讚好
0 留言
最先上嘅係酸辣湯，酸味濃，冇乜辣味。
有齊木耳絲、麵線數條、金針菇、紅蘿蔔絲同肉絲、豆腐粒，叫做足料。
熱辣辣，要慢慢食，不過我食晒啦，啲鍋貼都仲未上。
睇睇啲樓面阿姐，喺到吹水，仲要係最前面張檯食緊麥記雞翼，完全冇理到啲客。
直到坐喺我後面嘅兩個姐姐都終於出聲問：“啲嘢都飲晒啦，鍋貼呢？”
食緊雞翼嘅阿姐先恍然大悟，急急腳走去個檔入面，一路搞一路大聲講：“煎燶咗啊，等等先啊，唔好意思！”
當時知道自己都中招，冇計，都要等，但真心餓到人都等到憫。
辣味鍋貼
179 瀏覽
0 讚好
0 留言
鍋貼上到來，仲見到啲焦，應該係啲殘餘物，唔夠脆，亦冇印象中咁辣啦，只有好濃重嘅蒜頭味。
如果係泡菜鍋貼，咁只能夠說呢款泡菜嘅質素都真係麻麻哋！
辣味鍋貼
139 瀏覽
0 讚好
0 留言
食完真係好需要杯雙Q奶茶啷啷口！
夜晚嘅時候，明顯地胃氣漲，噁咗幾聲，空氣中瀰漫嘅全都是啲蒜頭味！好臭啊～
最後講返啲餐具問題，已經有好多餐廳都開始講究環保嘅時候，八方雲集仍然係全部都係一次性餐具用品，呢個亦係點解我有的揀寧願揀其他餐廳嘅選擇之一。
張貼
