德興茶餐廳 (已結業)

尋日7點去完沙田補習，朋友行街，行到去德興餐廳，比佢既蒜香味吸引住，入去睇下咩餸咁香，唔洗等位即刻有卡位坐，原來今晚特餐係「蒜蓉汁牛扒飯」，再加炸帶子，我就拿拿聲點左。個餐黎得幾快，5分鐘就到！牛扒幾厚，肉質鮮嫩，肉汁鎖住係塊扒，肉味幾濃，讚！個汁真係好香，細細既蒜蓉粒令汁好有層次，淋落塊扒再送飯真係一流呀！炸帶子都幾好食，外脆內軟，好有鮮味，不過有隻炸得有d燶，但整體都係唔錯既！成個餐有飯有帶子，仲有塊多士，有湯同飲品，都係51蚊，算係抵食，下次會再黎。