有蒸氣 海鮮石鍋專門店 (已結業)

記得之前食過有蒸氣，當時第一次已經有好既印象。估唔到，最近又有機會再去多次有蒸氣既飯局。同對上一次嚟唔算隔左好耐時間，所以裝修都無變動。不過睇番餐牌，好似多左新菜式，令到餐廳可以保持新鮮感，留住客人。招牌拔絲咕嚕肉屬於呢度既招牌小菜，每次都非叫不可，"招牌二字絕非虛名。咕嚕肉口感特別，非一般食開既感覺。首先會食到外層脆皮既口感，再會食到中間既肉好爽口，而且味道適中，不會過淡過濃。另外碟上又有橋頭，味道清新，可以沖淡味道，再食其他野。避風塘茄子賣相有別於一般避風塘茄子，平時食開都係長而扁身既茄子，但而家見到既係似炸豆腐咁既賣相。茄子十分香口，雖然係避風塘炒，但未算好辣，味道香濃。黑松露蒸蛋即叫即蒸，未食已經聞到黑松露味。蛋入口好滑，黑松露味道溫和，同埋蛋一齊食，剛柔並重。花甲，沙包蜆味道鮮甜。鮑魚鮑魚上面放左蟲草去蒸，食既時候可以嚐到鮑魚最鮮既一面。食過蟲草，見到師傅已經係鮑魚開左幾刀，令火力可以均勻傳到整個鮑魚，食落十分爽口。扇貝用左辣椒同埋蒜一齊蒸，如果唔食得辣既朋友，食既時候記得先將辣椒令走再食。而我食得辣就覺得佢呢個辣度好好，加上少少蒜，刺激味蕾。聖子用左大量既蒜去蒸再加上粉絲，