傷心酸辣粉 (科學館道) (已結業)

去到尖沙咀原本諗住買嘢，點知間舖頭冇開，原本要買嘅嘢買唔到，唯有去第二啲舖頭度睇吓，之後行咗2-3個鐘都未搵到我想要嘅嘢，又熱又攰又口渴，搵個地方食tea set都好，行到去新文華中心有好多選擇，諗起好耐冇食過傷心酸辣粉，即刻行去睇吓有咩食先，一眼睇中左無骨豬手拼手撕雞飯，豬手炆得好琳，但唔會一夾就爛，有咀嚼感，手撕雞好重油香，嫩滑唔癡牙，墊底嘅青瓜吸收左油香，感覺清新，覺得唔夠喉，加$10叫咗個蓮藕餅，爽口冇絲，有少少似芋頭餅嘅感覺