影片
更多
2021-04-13
347 瀏覽
兩老鍾意飲茶，但其實平時飲茶茶芥連加一都唔係平，朋友就介紹我去位於太子嘅呢間熱點，佢係一間點心專門店，但唔使加一，計計埋埋真係慳唔少。嚟到見到佢嘅點心紙，基本上選擇同一般酒樓冇分別，但佢嘅定價相對地就平一截，如果仲唔使計加一的話真係好抵食！瑤柱菜苗餃有三粒，上面鋪滿瑤柱絲，菜苗亦都好有菜味，非常優質！蟹籽燒賣皇有四粒，肉質亦都彈牙，質素絕對唔差。香茜牛肉腸份量就好似比起平時嘅腸粉短啲啲，但佢嘅餡料爆滿，皮薄餡靚，絕對值回票價！蜂巢炸芋角本身已經係我嘅至愛，呢個芋角仲要非常香口，芋泥夠滑，入面嘅餡料亦都夠惹味，絕對係我心目中嘅No. 1。鮑汁鮮竹卷有三件，腐皮索晒鮑汁非常好食。紅油抄手有六粒，辣油香而不辣，上面灑上炸蒜、葱花、芫荽，合埋一齊食非常香口。家鄉炒米粉雖然只係簡簡單單嘅一道菜色，但絕對高質，佢嘅米粉都充滿米香，入面都有好多椰菜絲、火腿、蘿蔔絲、葱段等等，完全唔使加豉油都已經好夠味道。最後仲食埋甜品，呢個楊枝甘露糕軟硬度適中，入面充滿好多柚子、西米同芒果肉，以此作結真係非常完美嘅一餐！呢間熱點真係要極力推介，食物質素比起某啲酒樓仲更加高質，位置便利，茶錢都只係$4/位，仲要唔使加
嚟到見到佢嘅點心紙，基本上選擇同一般酒樓冇分別，但佢嘅定價相對地就平一截，如果仲唔使計加一的話真係好抵食！
瑤柱菜苗餃有三粒，上面鋪滿瑤柱絲，菜苗亦都好有菜味，非常優質！
瑤柱菜苗餃
$28
7 瀏覽
0 讚好
0 留言
蟹籽燒賣皇
$26
12 瀏覽
0 讚好
0 留言
香茜牛肉腸
$23
10 瀏覽
0 讚好
0 留言
蜂巢炸芋角
$23
6 瀏覽
0 讚好
0 留言
鮑魚汁鮮竹卷
$22
8 瀏覽
0 讚好
0 留言
家鄉炒米粉雖然只係簡簡單單嘅一道菜色，但絕對高質，佢嘅米粉都充滿米香，入面都有好多椰菜絲、火腿、蘿蔔絲、葱段等等，完全唔使加豉油都已經好夠味道。
最後仲食埋甜品，呢個楊枝甘露糕軟硬度適中，入面充滿好多柚子、西米同芒果肉，以此作結真係非常完美嘅一餐！
楊枝甘露糕
$23
4 瀏覽
0 讚好
0 留言
張貼
