炭家 (已結業)

其實呢間係蔡san都推介過嘅饅魚店，屬銀座集團旗下嘅餐廳之一；味道可以喜好由人，但銀座集團揀餐廳係有taste（佢嘅餐廳我都心心眼❤️尤其係雞白同雕魚湯ramen！）！未講味道前都利申返先，餐廳嘅鰻重定價都幾進取，事關厨房成個製作都係由日本鰻魚料理界出晒名嘅大師級人物 —— 🇯🇵👨🏻‍🍳日本師傅江藤先生監修，直火炭烤用嘅係日本紀州備長炭！So 個人係抱住去日本食正宗鰻魚飯嘅expectation 探店，味道質素對得住個價值又何仿一試？其實饅魚本身屬濃味魚，無論係白燒抑或蒲燒都會散發出濃濃嘅魚香，加上餐廳用嘅係日本鮮鰻，直接炭火燒隔住塊玻璃都可以聞到厨房傳出嘅香氣！#白燒鰻魚串 外脆內嫩帶油香🔥，加少少鹽調味就夠，鮮味好鬼突出！至於 #八幡鰻卷 同 #鰻魚厚燒玉子 賣相同味道都並重，我會話係口感一硬一軟嘅組合！香脆鰻魚包住爽脆牛蒡，口感都幾新鮮！而軟嫩嘅厚燒玉子又係冇得輸！重點嚟！ #鰻の蒲焼 ！燒汁滲透入魚肉，唔會死甜食到成口醬，魚皮燒吸收醬汁後變得更爽脆，鮮味濃而泥味輕！定食有小鉢、茶碗蒸同清湯，當中嘅鰻魚凍好驚豔，第一之食到鰻魚有咁嘅呈現方法，呢一part正正可以體現出江藤先生嘅創意