必勝客

營業中

休息中

這間Pizza Hut的薄餅算係焗得唔錯嘅，一向都保持到水準，能夠做到薄餅底部及批邊都微燶，鬆脆度啱啱好，試過新界其他幾間分店，有d係完全唔燶，所以咬落有d腍而唔係脆；又試過有d係焗過龍而太燶，變得有點硬。唯獨大埔中心這間，係每次都一樣水準，不過個人最鍾意食嘅意式風情，每次order都要提少醬，因為落醬真係幾重手，太濃味之外，亦會因為放耐左，批會被醬汁浸腍。凱撒沙律好大碟，羅馬生菜味道鮮甜，煙肉碎亦夠多，只係麵包脆粒太大塊，無可能伴著生菜一併進食。卡邦尼煙肉意粉一般水準，無特別，但如果額外加重芝士粉味道會更香，更好味。