拉麵天王

營業中

休息中

喺碼頭嗰邊飲完咖啡,行返出紅磡就覺得有啲肚餓,所以就嚟咗呢一間好出名嘅黃店，咁啱今次唔使排隊就即刻入去坐低。拉麵嘅選擇方面有五種，白、赤同黑天王就係regular有得嗌嘅，而今日嘅限定天王係胡椒天王同埋 blue object 藍卵天王，今次我哋叫咗限定天王同白天王嚟試下。藍卵天王嘅蛋係一粒染成粉藍色嘅流心蛋，上面仲有啲柚子，相當吸引眼球，不過粒蛋冇乜特別嘅味道同普通流心蛋差唔多，叉燒有燒過但都仲好嫩滑，整體嚟講算唔錯。至於白天王，個豬骨湯底濃得嚟又唔會太油膩，半肥瘦嘅叉燒亦都好夾，有椰菜、雲耳同埋紫菜做配菜， 好豐富，不過略嫌溏心蛋味道偏淡。店舖入面環境舒適，店員嘅服務態度亦都唔錯，大家快啲嚟懲罰佢啦！