影片
更多
2024-11-20
94 瀏覽
相對於觀塘，牛頭角不算是一個容易搵好嘢食嘅地方。喺呢度返左工一兩年都係去附近嘅大型連鎖店幫襯，食來食去都係嗰幾款。難得今日有同事介紹去一間喺小巷嘅漢堡包店，開發下新口味。Burger Shot嘅門口裝飾都好特別，有個露天有蓋地方，可以俾你喺出邊唞吓氣，店舖雖然係主打外賣，但都有幾個座位俾人堂食，入面仲可以聞到陣陣嘅漢堡煎香味。菜單除咗有漢堡之外仲有熱狗同埋意粉，不過第一次嚟都建議大家先試吓佢嘅漢堡包。今次我叫嘅係霸氣雙層安格斯芝士漢堡，漢堡真係超乎預期之大個，店員話嗰兩塊漢堡扒有差不多120克，我諗應該冇人可以一啖咬得晒嗰包，一定要分兩層食先食得晒。講返個漢堡，因為呢度預設係7成熟，煎得非常之啱火候，唔會太老，漢堡扒仲係非常juicy,呢度使用嘅面包有好香嘅牛油味，而且廚師會先將漢堡包煎到微微焦，增添口感。小食除咗有炸薯條、洋蔥圈、呢一類香口嘢之外，仲有一啲冇咁熱氣嘅選擇，例如粟米、同埋炒雜菌，我就試咗佢個炒雜菌，佢唔算太鹹又唔算落得太多油，配合漢堡食，我覺得幾啱。飲品嘅選擇都有個推介，就係本地嘅有氣涼茶，呢款有涼茶係香港製造，有幾款口味，例如竹蔗茅根、洛神花同埋羅漢果，我喺外面好少見
菜單除咗有漢堡之外仲有熱狗同埋意粉，不過第一次嚟都建議大家先試吓佢嘅漢堡包。今次我叫嘅係霸氣雙層安格斯芝士漢堡，漢堡真係超乎預期之大個，店員話嗰兩塊漢堡扒有差不多120克，我諗應該冇人可以一啖咬得晒嗰包，一定要分兩層食先食得晒。講返個漢堡，因為呢度預設係7成熟，煎得非常之啱火候，唔會太老，漢堡扒仲係非常juicy,呢度使用嘅面包有好香嘅牛油味，而且廚師會先將漢堡包煎到微微焦，增添口感。
小食除咗有炸薯條、洋蔥圈、呢一類香口嘢之外，仲有一啲冇咁熱氣嘅選擇，例如粟米、同埋炒雜菌，我就試咗佢個炒雜菌，佢唔算太鹹又唔算落得太多油，配合漢堡食，我覺得幾啱。飲品嘅選擇都有個推介，就係本地嘅有氣涼茶，呢款有涼茶係香港製造，有幾款口味，例如竹蔗茅根、洛神花同埋羅漢果，我喺外面好少見到，涼茶唔算太甜，而且加咗氣入口好多。
我見店舖寫住外賣食品有九折，如果趕時間都可以買返去Office食。希望大家多啲支持啲一類小店，由其是有心機做食物嘅店舖。
張貼
