影片
更多
2018-03-12
1906 瀏覽
星期日諗起第二日要返工就抑鬱，所以要對自己好啲食好嘢！山長水遠今次來到大學火車站旁邊嘅凱悅酒店沙田18中菜廳。網上評價不錯，主要讚嘅係片皮鴨，作為新界人嘅我哋一定要來試一試。餐廳位於凱悅酒店4樓，佈置典雅，唔算豪華得太浮誇。部分廚房係開放式，食客可以係外面睇到入邊師傅烤鴨、蒸餸、整甜品，中菜餐廳比較少咁做，都算特別。因為兩個人食飯嘅緣故，片皮鴨淨係叫得半隻一食。「一食」就係傳統包住餅皮你食，首先片皮鴨皮加砂糖食，入口即溶，嗰陣油香係不簡單，比好多出名食片皮鴨嘅餐廳更好。除左鴨皮之外，餐廳仲好貼心地片了一碟鴨胸肉、一碟鴨脾肉，鴨胸肉可沾甜麵醬，但因為鴨脾部份比較羶，餐廳建議係加上蒜泥一起吃，之前未試過夾蒜泥，一試之下不得了，的確非常好味，必試！人多可以叫一鴨二食或三食，分別係鴨鬆生菜包同鴨湯，但同行友人非常渴望飲湯，一問之下，原來餐廳好 flexible ，可以skip 鴨鬆部分，直接order 湯，而每位收費$62，同行友人當然興奮啦！季豆松子仁炒豆乾清清地唔肥膩，「季豆」即係四季豆，切粒炒好有口感好爽脆，而豆腐乾嘅鹹香加上松子仁嘅濃郁，呢道素菜送飯簡直一流，所以同行友人亦都唔執輸叫咗
餐廳位於凱悅酒店4樓，佈置典雅，唔算豪華得太浮誇。
部分廚房係開放式，食客可以係外面睇到入邊師傅烤鴨、蒸餸、整甜品，中菜餐廳比較少咁做，都算特別。
因為兩個人食飯嘅緣故，片皮鴨淨係叫得半隻一食。「一食」就係傳統包住餅皮你食，首先片皮鴨皮加砂糖食，入口即溶，嗰陣油香係不簡單，比好多出名食片皮鴨嘅餐廳更好。
除左鴨皮之外，餐廳仲好貼心地片了一碟鴨胸肉、一碟鴨脾肉，鴨胸肉可沾甜麵醬，但因為鴨脾部份比較羶，餐廳建議係加上蒜泥一起吃，之前未試過夾蒜泥，一試之下不得了，的確非常好味，必試！
片皮鴨
$388
135 瀏覽
0 讚好
0 留言
人多可以叫一鴨二食或三食，分別係鴨鬆生菜包同鴨湯，但同行友人非常渴望飲湯，一問之下，原來餐廳好 flexible ，可以skip 鴨鬆部分，直接order 湯，而每位收費$62，同行友人當然興奮啦！
鴨湯
$124
79 瀏覽
0 讚好
0 留言
季豆松子仁炒豆乾清清地唔肥膩，「季豆」即係四季豆，切粒炒好有口感好爽脆，而豆腐乾嘅鹹香加上松子仁嘅濃郁，呢道素菜送飯簡直一流，所以同行友人亦都唔執輸叫咗一碗白飯。
季豆松子仁炒豆乾
$218
80 瀏覽
0 讚好
0 留言
厚街臘味煎魚餅落單嘅時候餐廳經理仲好貼心咁樣問我地因為有片皮鴨怕唔怕食唔晒，建議我哋落半份，即係4件（本身全份係8件）。魚餅煎得啱啱好，金黃鬆化、完全冇燶，咬落鬆軟亦都有臘肉嘅鹹香味，又係送飯一流！
厚街臘味煎魚餅
$120
79 瀏覽
0 讚好
0 留言
飯後甜品叫咗個酒店自家製五糧液朱古力雪糕同埋一個白芝麻雪糕，前者酒香味濃但又唔過份、朱古力嘅甜香依然出色；後者芝麻味濃、又有粒粒芝麻口感豐富，比市面常見嘅黑芝麻雪糕更香滑濃郁，非常出色！自家製雪糕果然係沙田18另一「招牌菜」，嚟食飯嘅朋友一定不能錯過！
五糧液朱古力雪糕
$42
98 瀏覽
0 讚好
0 留言
白芝麻雪糕
$42
70 瀏覽
0 讚好
0 留言
總結呢一餐味道的確唔錯，如果要雞蛋裏挑骨頭就係上菜速度比較慢，畢竟酒店sell嘅係服務，職員睇住客人嘅進食速度嚟上菜，所以都無所謂啦。而另外餐廳會定期更新 menu，我地之前上網見有田雞脾煲，本身今晚想食，但原來餐廳已經無再做，所以菜式都係以餐廳提供嘅餐牌為準啦！
張貼
