影片
更多
2023-05-23
101 瀏覽
👍🏻馬來當歸燒春雞 $198呢間係蘇媽蘇媽嘅姊妹酒吧餐廳，主打特色星馬fusion菜同cocktail🥂燒春雞就成日食到，用當歸調味就真係第一次其實當歸味道就唔算好濃，隱隱約約食到，唔覺得係藥味，反而似一種香料咁，真係幾特別，又幾夾👍🏻雞皮燒得香脆薄身，內裏肉質超級嫩滑多汁，一切開直頭爆晒出嚟🤤連雞胸位都做到完全唔鞋口，而且醃得入味，唔會淨係得雞皮有味，超正！原隻春雞比想像中大隻，呢個價錢真心唔貴又好食，呢個掂喎🥹味道：9/10性價比：9/10-👍🏻檳城蝦湯炒伊麵 $148賣相唔算好吸引，但味道好有驚喜😳伊麵口感好爽彈，唔會腍到一pat pat，加入蝦湯炒香，汁量唔多但均勻入味，入口啖啖超濃郁蝦油香味🤤魚片就正常嘢，有四大塊，唯一扣分係魷魚冇乜味🤏🏻味道：8/10性價比：7/10-👍🏻泰式海鮮拼盤 (追加6隻精選生蠔) $138 + $199凡惠顧一支紅/白/氣泡酒，即可用優惠價$138嗌海鮮拼盤拼盤包括魷魚、扇貝、青口、蝦、生蠔各兩隻，另外用優惠價$199加咗半打生蠔四款生蠔分別來自美國、南非、韓國、西班牙，蠔味海水味各有唔同，整體肥美鮮嫩，完全唔腥其他海鮮刺身亦非常新鮮，厚切大件，
呢間係蘇媽蘇媽嘅姊妹酒吧餐廳，主打特色星馬fusion菜同cocktail🥂
燒春雞就成日食到，用當歸調味就真係第一次
其實當歸味道就唔算好濃，隱隱約約食到，唔覺得係藥味，反而似一種香料咁，真係幾特別，又幾夾👍🏻
雞皮燒得香脆薄身，內裏肉質超級嫩滑多汁，一切開直頭爆晒出嚟🤤
連雞胸位都做到完全唔鞋口，而且醃得入味，唔會淨係得雞皮有味，超正！
原隻春雞比想像中大隻，呢個價錢真心唔貴又好食，呢個掂喎🥹
味道：9/10
性價比：9/10
-
👍🏻檳城蝦湯炒伊麵 $148
賣相唔算好吸引，但味道好有驚喜😳
伊麵口感好爽彈，唔會腍到一pat pat，加入蝦湯炒香，汁量唔多但均勻入味，入口啖啖超濃郁蝦油香味🤤
魚片就正常嘢，有四大塊，唯一扣分係魷魚冇乜味🤏🏻
味道：8/10
性價比：7/10
-
👍🏻泰式海鮮拼盤 (追加6隻精選生蠔) $138 + $199
凡惠顧一支紅/白/氣泡酒，即可用優惠價$138嗌海鮮拼盤
拼盤包括魷魚、扇貝、青口、蝦、生蠔各兩隻，另外用優惠價$199加咗半打生蠔
四款生蠔分別來自美國、南非、韓國、西班牙，蠔味海水味各有唔同，整體肥美鮮嫩，完全唔腥
其他海鮮刺身亦非常新鮮，厚切大件，唔會有雪味或腥味
其實唔係好使點泰式醬汁都鮮味十足，整體好高質😙
味道：9/10
性價比：8/10
-
👍🏻醬油漬紅蝦 $108
紅蝦刺身有淡淡醬油香味，配搭蛋黃同三文魚子，唔會過鹹，亦冇蓋過紅蝦本身嘅鮮甜味道
呢個好好食😭！份量唔多成枱人爭住食😂
味道：9/10
性價比：8/10
-
👍🏻KUMQUAT MOJITO & BENTONG GINGER FIZZ $78
兩杯好有特色嘅星馬風格mocktail，走酸甜清新路線，相當特別
其實佢地signature啲嘅係cocktail，但可惜我地當晚唔得飲酒，唯有留返下次再戰😎！
味道：8/10
性價比：8/10
-
有室外位置，有蓋遮頭但冇冷氣，不過好有東南亞vibe，有兩部大電視可以睇波，好有氣氛
夜晚仲有Busking live music，chill爆😌
整體價錢係同區嘅酒吧餐廳嚟講完全唔貴，仲係尖沙咀黃金地段，而且食物同飲品有特色，絕對唔係啲呃錢頹廢酒吧
呢間真心正，CP值好高，係少數未食完已經想再回訪嘅酒吧餐廳🥹
-
📍#SoBar @sobarhk
尖沙咀加連威老道10號加威中心地下
張貼
