椈 (已結業)

夜晚約咗三五知己去咗間蘭桂坊嘅日式居酒屋，門口掛住紅色燈籠，一入去就覺得好有氣氛。煙三文魚沙律煙三文魚質感細膩，獨特嘅煙燻香氣立即在口中散開，沙律菜新鮮爽脆，味道清新。炸物拼盤入面有炸豆腐、炸墨魚咀，炸豆腐外皮炸得金黃酥脆，而內裡則保持著豆腐特有嘅柔軟與細膩；炸墨魚咀外酥內軟，咬盡有勁道，彈性十足。串燒明太子雞翼：明太子溫和嘅辣味，同雞翼嘅鹹香完美融合，風味層次豐富。日本雞肝：口感細膩又富有層次，表面烤得微微焦香，內裏質感柔軟。日本岩手雞皮：雞皮都充滿左雞油嘅香味。日本雞心：質感彈牙鮮美。雞軟骨串：外層輕微焦香，咬落去有清脆嘅咔嚓聲，感受到雞軟骨獨有嘅彈性。海膽櫻花蝦炒飯炒得恰到好處，粒粒分明，帶有蛋香同炒飯特有嘅鍋氣，第一口已經感受到海膽嘅濃郁與滑膩，加入左櫻花蝦，令炒飯更香。芭菲揀左芝麻味雪糕，雪糕滑嫩如同絲綢，入口即化，芝麻嘅香味濃郁，底部加入左紅豆，另外仲有最中餅嘅香脆，層次感豐富。荔枝梳打/巨峰提子梳打梳打入口清甜，非常解渴。