SHY Dance Cafe (已結業)

午餐時間，無訂檯要等位是常識吧，門口有張紙，自己寫名同人數，然後等，其間，有個waitress 出黎問，填第四格既人係唔係到，填第五格有無？其實，大家唔會記得自己填第幾格既，點解唔直接叫名，一開始唔係有寫名咖咩?經過一輪混亂，終於入到去坐，繁忙時間，執唔切檯，明白既，執檯後叫落單，亦叫左好多聲先有人理會，其間，侍應們是不停係我地張檯經過，其實，講句等等，轉頭幫你，唔難，但你唔應我，我唔知你聽唔到，定唔得閒理我地。最後，order 左蛋牛治烘底 + 雞扒蛋包飯（配燒汁），蛋牛治，完全無問題，好食！但個蛋包飯，真係好咸，食左半碟都無，頂唔順走人。