生記清湯牛腩麵

營業中

休息中

一到 Lunch hour ，上環禧利街，就會熱鬧起嚟！論長龍餐廳，生記清湯牛腩麵同斜對面泰妃雞有得 fight ！咁多人幫襯，相信質素有返咁上下。今日熱成 32 度 ，都係食碗麵算嘞！鯪魚球河 鯪魚球 - 以鯪魚、陳皮粒、芫茜、蔥粒制造，香味四溢，爽口彈牙，大大粒，有 6 粒之多！河粉 - 雪白幼滑，食到最尾都唔會碎濕濕！湯 - 清清地嘅牛腩湯餚製，少油！真材實料，唔覺有味精！服務： 各員工分工合作，1個幫我落單，1個收錢，1個俾外賣我！總結：好食及抵食過文輝墨丸河！