峇峇娘惹 (MOSTown新港城中心(4期)) (已結業)

第一次幫襯，蝦球炒貴刁，中午外賣自取，飲品要熱青桔水，飯盒係比較細個種發泡膠，回去一開盒，係塞得比較滿，但面層只見一隻細蝦，見個樣心一涼知道多數中伏，唔係少既問題，係同我認知既蝦球完全兩回事，倒不如話係蝦仁多條尾殼，食落去果然。。哎，求其一間茶餐廳食滑蛋蝦仁飯個種淡而無味滑lulu既質素，一般你寫得蝦球係咪有些工夫，調味炒香、葉香或炸呢? 最終找到4小只淡而無味蝦仁，炒貴刁本身比較油，微辣，一般水準，有些牙菜和蛋絲，無乜所謂馬拉風味，而且似河粉唔覺自己食緊貴刁，稍為有d獲氣既干炒牛河都好食過他，最後杯青桔水，咸加微酸的，OK，飲完再吃幾粒青桔的清新酸味，反而係成個用餐過程最好味，總括份量偏小，我食量咁低既人都係勉強8成飽，其實好難叫人幫襯第二次，62蚊給人咁既野，我係老闆多數會即時炒左個廚師，或者等心情好比多次機會試第款。