發記腸粉粥品

營業中

休息中

今日想食粥做早餐，揀咗呢一間。兩個人原本想叫一碗腰膶粥share，再要一個炸兩同埋一碟蒸蝦米腸。點知又無豬腰，咁就改要豬膶粥啦，而侍應姐姐話油炸鬼因為啱啱開舖所以d貨未運到，原來係交黎嘅，咁好食極有限啦，於是轉左做豬什炒銀針粉，實行黎個膽固醇超標的早上。個蝦米腸又真係幾好食，蝦米同d蔥都好香，腸粉粉漿都唔錯，食落去熱辣辣感覺好新鮮可惜另外嗰兩樣都係麻麻地，豬膶粥d豬膶唔係好新鮮，食落去好似無乜味。至於個豬什炒銀針粉都幾搞笑，得好少豬什，反而有一舊好大嘅肉片，有少少被搵笨的感覺。