安利大排檔 (已結業)

農曆大年初一，周圍啲鋪頭都無幾多間開，但係每一年落東大街總會搵到食，今年嘅安利唔算好多人等，大約只需要等十分八分鐘，過年加價心裏面早有準備，每一個 item 都加三蚊，無論你係嗌百幾蚊一碗嘅淨腩，又或者係十蚊雞嘅多士，一律都係加三蚊。嗌咗個鮮油占多同埋炸醬麵，安利以一間粉麵店黎講，個鮮油占多算做得好好，我覺得好過好多茶餐廳添，而個炸醬麵顏色雖然螢光咗少少，但係味道總算唔錯，又唔會話太過油。