影片
更多
2006-07-28
21 瀏覽
同男朋友慶祝生日，佢鐘意食蠔，見呢度有咁多好評，遠d由屯門都要走出黎試。地點方面真的有點難搵，開車要睇熟地圖。預先book定位，2人佢安排bar檯俾我地，佢地basement重有一間party房，我地食完帶左我地落去睇，個度可容納15-20人，有卡拉ok同飛鏢。坐低已有青瓜甘荀條小食，每人有一碗番茄魚湯，同一塊蒜蓉飽，用黎「浪」一「浪」個胃吧。好好招呼，不時走黎介紹，知道我地第一次黎，重送左兩隻雞翼俾我地試。叫左一杯white wine 同一杯荔枝梳打，隻白酒係較fruity，食完每隻蠔飲一口，可以清左之前食的蠔味，唔會影響下一款蠔既味道。Seafood Platter：有四款蠔，三款美國，一款紐西蘭(蠔邊重會郁)，由最甜最有蠔味既kumamoto熊本蠔(我地最鐘意食) 至最重海水味又最大隻既紐西蘭蠔(忘記了名)；有兩隻翡翠螺(已熟凍食)；兩隻牡丹蝦(麻麻地)，及一隻赤貝刺身。一板海膽：來自加拿大，介紹既人(應該係樑哥)話唔似市面既海膽加左防腐劑，所以海膽色較淺色，亦較有鮮味。我地覺得都係蠔既鮮味好食d。扇貝及象拔蚌刺身：扇貝肉好鮮甜，我地一致讚好；象拔蚌刺身都新鮮，但佢鮮得有d腥。雞
地點方面真的有點難搵，開車要睇熟地圖。
預先book定位，2人佢安排bar檯俾我地，佢地basement重有一間party房，我地食完帶左我地落去睇，個度可容納15-20人，有卡拉ok同飛鏢。
坐低已有青瓜甘荀條小食，每人有一碗番茄魚湯，同一塊蒜蓉飽，用黎「浪」一「浪」個胃吧。
好好招呼，不時走黎介紹，知道我地第一次黎，重送左兩隻雞翼俾我地試。
叫左一杯white wine 同一杯荔枝梳打，隻白酒係較fruity，食完每隻蠔飲一口，可以清左之前食的蠔味，唔會影響下一款蠔既味道。
Seafood Platter：有四款蠔，三款美國，一款紐西蘭(蠔邊重會郁)，由最甜最有蠔味既kumamoto熊本蠔(我地最鐘意食) 至最重海水味又最大隻既紐西蘭蠔(忘記了名)；有兩隻翡翠螺(已熟凍食)；兩隻牡丹蝦(麻麻地)，及一隻赤貝刺身。
一板海膽：來自加拿大，介紹既人(應該係樑哥)話唔似市面既海膽加左防腐劑，所以海膽色較淺色，亦較有鮮味。我地覺得都係蠔既鮮味好食d。
扇貝及象拔蚌刺身：扇貝肉好鮮甜，我地一致讚好；象拔蚌刺身都新鮮，但佢鮮得有d腥。
雞翼：原價好似38元6隻，老闆送左2隻俾我地，免費。好惹味，買相有d似雞膇，樑哥話製法係自創既，無落任何味精雞粉，用少少香草同黑椒焗。
蟹粥：二人份量，一人一碗，都算ok，不過蟹既質素完全唔可以同蠔比，有d熱野落肚，已經飽飽地。
最後叫多半打蠔，我地鍾意甜d同蠔味重，由樑哥發板，好鮮，好味!!
飲飽食醉回家去。
張貼