漁匡 (良德街)

營業中

休息中

屯門朋友介紹超抵食放題，估唔到都幾高質。價錢由$200/$300/$400，可以任食四小時，對於任食嚟講，😎真係天大喜訊，可以同朋友一邊食一邊吹下水。餐廳環境唔算大，小店格局，所以出品品質有保證，每次出餐都即叫即切即做。湯底無味精，一人一鍋，多款選擇。😆各人選了壽喜鍋，蕃茄湯，昆布湯及牛骨湯。不同價錢有不同肉類選擇，一樣有牛肉同埋火鍋配料，日式刺身，海鮮，炸物，沙律同雪糕汽水任飲任食。我哋選擇$400和牛放題，牛肉靚之餘，仲可以食靚高質刺身及壽，例如油甘魚腩。牛肉油花滿滿，肉味濃。蔬菜亦都唔吝嗇，新鮮又大份🫰🏻壽司有師傅新鮮即制，唔會hea 做😝款式非一般大路貨色，質素好過壽司店。但記住要訂檯，因為座位只有廿幾個。