元札幌拉麵 (宇晴軒商場) (已結業)

今日一早去完荔枝角探朋友後，差唔多到食晏時間，落左去樓下個商場覓食，心血來潮好想食日本野，首先見到和民，但和民就時時都有得食，之後見到隔離有間元札幌拉麵🍜好似唔錯，所以就入去試下！裝修好有日本🇯🇵居酒屋feel,好似去左旅行咁☺️出面仲有部夾公仔機添，等緊位嘅朋友可以大顯身手一下😝😝我地分別每人叫左一個set lunch ，平均$62-$78，抵食到呢！滑蛋自家製豬扒飯，豬扒肉質鮮嫩，咬落去好多肉汁，配埋滑蛋食好正呀！$62 仲要有面豉湯🥣，薯蓉和日式蒸蛋，超抵食！另一個叫左雜錦拉面🍜$78，仲配一款小食加汽水🥤！雜錦拉麵好大碗，有叉燒，豬軟骨，蟹柳，半熟蛋，湯底唔會太濃，食完絕不口渴，食左一半已經好飽肚！小食：雞翼，雞皮炸得好脆口，好邪惡！配上檸檬汁食增加肉質鮮味，仲要有4 隻咁多，超讚抵食！總結：有驚喜的日式居酒屋🏮，食物好食之如，價錢又唔貴，下次會黎試埋晚飯先！